Tans is ons in “advanced level 3 lockdown” en ons leer daagliks om aan te pas met die veranderde wêreld van werk en interaksie. Een kollega het aan die aanlyn Comrades deelgeneem, ons het ‘n kollega gegroet, en ons werk voort deur van aanlynplatforms gebruik te maak.

Met die aanbreek van die vlak-3 inperkings was beraam dat ongeveer 8 miljoen persone vanaf 1 Junie 2020 na hul werksplekke kon terugkeer. Is u maatskappy gerat vir hierdie terugkeer?

COVID-19 forseer ons om nuut te dink, die lewe in oënskou te neem, en die eersdaagse omhelsing van ‘n vriend of vriendin as kosbaar te beskou. Ons personeel het kantore tuis ingerig en woon, werk en oefen nou tuis. Twee kollegas het hulle stories oor hulle tuiskantoor en COVID ervaring met ons gedeel.

Tydens Maart het ons die Belastingjaar afgesluit en ons was saam met ons Direkteur opgewonde vir sy deelname aan die Cape Epic Bergfietsresies. Die krieketliga het eers tot ‘n einde gekom. Ons personeel is ingerig om tuis te werk.

Tydens Februarie het ons die liefde gevier, rolbal gespeel, baie bergfiets gery, krieket gespeel en ons het afskeid van ‘n kollega geneem. Ons ondersteun ons Direkteur wat die Cape Epic Bergfietsresies gaan aandurf.

Die jaar is nou al sommer goed aan die gang. Ons het al die personeel op dieselfde bladsy gekry by ons jaarlikse Afskopfunksie waartydens ons die strategie vir die jaar gedeel het. Gedurende Februarie vier ons die liefde op Valentynsdag en ons neem oudergewoonte deel aan Wellington se Besigheidsliga Rolbal Toernooi.

Januarie 2020! Voorspoed word elkeen toegewens. Mag die nuwe jaar weereens aan ons die geleentheid bied om tot baie besighede waarde toe te voeg. Vir oulaas loer ons terug na 2019 en ons sien uit na ons Afskopfunksie op Vrydag 17 Januarie 2020!

November het twee troues opgelewer. Ons het ook feesgevier saam met twee kollegas wat hulle eerstelinge verwag. Ons ondersteun oudergewoonte ons krieketspan. Ons Jaareindfunksie is verseker een vir die boeke. Ons laaste partytjie word op 13 Desember gehou.

Ons spog met twee kollegas se spesiale uitnodiging om ‘n Belastingsessie by te woon. Ons het Basedag gevier, Gesondheidsdag gehou, gedeel in die opgewondenheid van ‘n dame wat binnekort trou, bokse volgemaak om Boervroue te ondersteun, afskeid van ‘n kollega geneem. Vir November sien ons uit na die Jaareindfunksie.

Die foto’s is genoeg bewys dat ons personeel weereens Loslitdag ten volle ondersteun het. Dankie dat ons elke jaar kan staatmaak op soveel spangees. Die skaterlag-lekkertes vir elke afdeling se kreatiwiteit is jaarliks vir almal ‘n hoogtepunt. Ons ondersteun die Springbokke tydens die Wêreldbeker en die res van Oktober het ook ‘n vol program.