Tydens Oktober was die personeel bedrywig met Kankerbewusmaking, ‘n afskeid, ‘n verwelkoming en Basedag. Nou is daar in November (of altans Movember) ‘n vooruitsig vir nog personeel kuiers, ‘n troue en ‘n Jaareindfunksie.

Gemeenskapsorganisasies vul ‘n kritiese gaping in die sosiale welvaart van ‘n gemeenskap. FHBC-BGR se sosiale betrokkenheid by die Gemeenskap is een van die prioriteite van die maatskappy en waarop ons trots is. Ons ondersteun ook Loslitdag ter fondsinsameling vir mense met gestremdhede.

September is die maand van die Lente... en by ons kantoor... ook die maand van die liefde. September het verlowings en ‘n troue opgelewer. Ons moes ongelukkig ook van ‘n kollega afskeid neem.

Augustus was ‘n bedrywige maand. Ons het ‘n spanbou gehad, verjaardae gevier en ons moes ongelukkig ook afskeid neem.

Die personeel het op Madibadag hul 67 minute met Silwerkruin se bejaardes deurgebring. ‘n Noot vir Noot kompetisie het die geheue van treffers van ouds wakker gemaak en selfs ‘n paar danspassies opgelewer. ‘n Paar van ons personeellede het ook gaan jag, net anderkant Beaufort Wes.

Die winter is op ons... Die personeel het ‘n paar sweetpakkies en sokkies tot kindertjies in nood bygedra. Opleiding vir al die BGR kantore is bygewoon en ons vier saam met ‘n kollega haar verlowing.

Reeds in die begin van die week van 11 April, het personeel al begin om sekere landsvlae of ‘n kenmerk uniek tot die land te dra as deel van die oploop tot die Spanbou wat Vrydag 15 April was.

Buiten die Spanbou waartydens ons as kollegas saam sosiaal kon verkeer, kon ons ook saam met ‘n paar kollegas feesvier oor voorspoed en seën in hulle lewens.