PERSONEELNUUS

Op Madibadag op 18 Julie het ons in spanverband vir 67 minute twee kombersies aan mekaar vasgebind sodat ons warm kombersies aan NorSA Community Care (Wellington) kon skenk.  Gebaseer op die grootte van die spanne, moes een of twee komberse gefinaliseer word.  Daarna het ons Burgers en skyfies, berei deur Sunfield Homes, geniet.

Die middag het ons die pret voortgesit.  Persone het ‘n lintjie gekies om te bepaal in watter span hulle is.  Elke span het ‘n standaard koek, versiering en dieselfde toebehore ontvang.  Die span moes ‘n liedjie kies.  Met dieselfde bedrag beskikbaar per span moes die koek volgens die gekose liedjie versier word.  Die beoordelaars moes met die volgende kriteria ‘n wenner aanwys: die versiering van die koek volgens die liedjie as tema, die spanwerk, die spangees, die begroting en die smaak.  Die spanne was baie kreatief!  Die wenspan het net uit mans bestaan en hulle liedjie was “Money, money, money”.  Tweede plek was behaal deur die “Leeuloop” en derde plek deur “Watermelon Sugar”.

 

19 Julie het Bradley Jacobs (Rekeningkundige Bestuurder) pappa geword van ‘n dogtertjie. Mag ouerskap vir beide Bradley en sy vrou ‘n groot vreugde wees.

Op 28 Julie het Dawie Theron (Direkteur) en Elri Theron (Praktykbestuurder by FHBC Paarl) Oupa en Ouma geword. Mag hulle kleindogter eindelose oomblikke van vreugde in hulle familie besorg.

Op 1 Augustus het Alida Deysel as Rekenmeester by ons aangesluit. Einde Augustus word Michelle Tallie (Junior Boekhouer), Chanté Thomas (Rekeningkundige klerk) en Karin Dyason (Salarisse en Lone Administrateur) gegroet. Ons beste wense vergesel hulle vir hulle loopbane vorentoe.

Op 2 Augustus is Lizé Fouché (Senior Debiteure Beampte) se seuntjie gebore. Mag hulle as gesin baie voorspoed en seën ervaar.