PERSONEELNUUS

Ons is trots op Monique Smit (Regs- en Administratiewe beampte) wat baie goeie punte by haar mid-jaar eksamen behaal het in die Paralegal Praktyk Nasionale Sertifikaat Kursus waarvoor sy tans ingeskryf is.

Ritka Kotzé het haar SAIPA klerkskap suksesvol voltooi.  Sy is voortaan as Rekenmeester by ons werksaam.  Veels geluk aan Marilyn Fredericks (Rekenmeester) met die slaag van die Professionele Eksamen van SAIPA.

Maandag 2 September het Rynard Viljoen as Spesialis SDF by ons span van FHBC MAS (Pty) Ltd aangesluit.

Woensdag 4 September was Sekretaressedag / Administrative Professionals’ Day!  Ons is dankbaar vir elke persoon wat agter die skerms take verrig sodat die res van die span daarby kan baatvind.

Woensdag 4 September het ons ‘n Xero Bekendstellingsessie en Xero Opleidingsessie by Corlie’s Italian Restaurant in Somerset-Wes gehad.  Tydens die bekendstelling was die voordele van die sagteware asook die funksionaliteite waartoe die sagteware ‘n gebruiker blootstelling gee bespreek.  Tydens die opleidingsessies was ‘n paar funksionaliteite in meer diepe bespreek.  Ons vertrou dat almal wat bygewoon het, die sessies as insiggewend ervaar het.

Vrydag 6 September was Loslitdag.  Die tema van “I see you” was behoorlik uitgebeeld.  Die oggend het ons ‘n groot groepfoto geneem, waarna die spanne per sekere kriteria beoordeel was.  Die wenspan was die “Dream Team” met hulle uitbeelding van hulle span as die Enjinkamer! Baie dankie aan almal wat deelgeneem het!

Op Vrydag 6 September het ons ook Verjaarsdaggroep 3 se verjaarsdae gevier.  ‘n “Pizza party” was gehou en pizzas is mos altyd ‘n groot bederf.  As ‘n blykie van waardering vir die harde werk die laaste tyd het die kantore vroeër gesluit.

Maandag 9 September het Whitney Johannes as Junior Boekhouer by ons span aangesluit.

Weens die vakansiedag op Dinsdag 24 September, het die Direkteure besluit om die personeel op Maandag 23 September as spesiale verlofdag af te gee.  Ons vertrou dat almal die ruskans goed sal benut.