PERSONEELNUUS

Op 25 September het twee van ons Direkteure, Jacobus Maree en Hendrik Rabie, aan die 100km Karoo to Coast bergfietsresies deelgeneem.  Die resies het by Uniondale begin en by Knysna geëindig.  Jacobus het in 4h14 klaargemaak en Hendrik in 5h.  Ons is trots op die manne wat FHBC se naam hoog hou.

26 September tot 2 Oktober was die Week vir Bejaardes.  Op 30 September het van ons personeellede saam met die inwoners van Silwerkruin deelgeneem aan ‘n staproete deur die dorp.

 

3 Oktober was ons eerste werksdag by ons nuwe kantoorspasie in Somerset-Wes.  Santie Oberholzer (Direkteur), Carin Grobbelaar (Direkteur) en Dawfré Theron (Rekeningkundige en Kliëntediens Konsultant) het deur die gebou gestap om FHBC voor te stel en die persone uitgenooi om ‘n kolwyntjie by die nuwe kantoor te geniet.  Besoek gerus vir die spanlede te Eenheid 101 Crossfire Place, Gardner Williams rylaan 15, Paardevlei in Somerset-Wes.

 

Op 3 Oktober het Arné Bester as Maatskappy Sekretariële en Administratiewe Bestuurder by ons aangesluit.  Arné was destyds (tot Desember 2014) by ons werksaam.  Ons is opgewonde daaroor dat sy weer deel van ons span is.

Op 3 Oktober het die personeel pienk gedra ter ondersteuning van Borskanker bewusmaking gedurende Oktober.

Ons kollegas wat deesdae ook as ‘n ouer geklassifiseer word, is met ‘n klein geskenkpakkie vanaf die kantoor bederf.  Bradley Jacobs (Rekeningkundige Bestuurder) ontvang vanaf Santie Oberholzer (Direkteur) ‘n pienk boksie.  Michelle Swanepoel (Rekeningkundige klerk) ontvang vanaf Anél Rabie (Rekeningkundige Bestuurder) ‘n blou boksie.

 

Einde Oktober groet ons vir Anja Smit (Boekhouer).  Ons beste wense vergesel haar vir haar toekoms.