Veels geluk aan Santie Oberholzer (Direkteur) en Elri Theron (Debiteure beampte) wat aan die Run Walk for Life se Progressive Challenge deelgeneem het.  Hulle moes vir ses dae aaneen oefen.  Santie het daagliks 7km afgelê en Elri 9km per dag.

Die Besigheidsliga van die krieket het weer afgeskop. Die manne kon darem reeds twee wedstryde speel, maar die reën het die ander twee wedstryde gekniehalter.
 
Op 1 Desember was ons kantoor gesluit vir ‘n spanbou. Elke span het hulle eie reëlings vir die dag getref.
 
Een van ons rekeningkundige spanne, die Dream Team, was by ‘n Food Jam.

 

Ons belastingspan, insluitend ons Regsafdeling en Winelands was vir ‘n kreatiewe sessie by MeaCeramica en het daarna heerlik gaan eet.

 

Een van ons rekeningkundige spanne wat in die Penthouse sit, was by HintHunt en ‘n bootreis in die Waterfront, gevolg deur ‘n ete in Hidden Valley en ‘n koffietjie by Tashas.

 

Die ander rekeningkundige spanne, wat vergesel wat deur MAS se span, het putt-putt in Seepunt gaan speel.  Daarna het hulle die Waterfront besoek deur ‘n heerlike ete te geniet en die dag was met ‘n besoek aan Lindt se winkel afgesluit.

 

Die Sekretariële en ondersteuningspan was ook vir ‘n kreatiewe sessie by MeaCeramica waarna hulle ‘n sonhoed by Woolworths aangeskaf het vir hulle besoek aan Babylonstoren.  Daar was ‘n ete geniet, ‘n hand en voet scrub gemaak en die dag was afgesluit met ‘n heerlike koffie en soetbederfie.

 

10 Desember was ons Kersfeespartytjie.  Meer inligting en fotos daaroor sal in ons Januarie weergawe verskyn.