13 Mei 2016 het ons Verjaardaggroep twee se verjaardae gevier en die feesviering gekombineer met die daknatmaak van ons nuwe binnehof.
Reghardt Barnard (Rekenmeester) en Jenel se seuntjie Ruben is Vrydag 20 Mei gebore. Ons is saam met hierdie trotse ouers dankbaar oor hulle kosbare geskenk.
Maritsa Volschenk, Ouditklerk, het Sondag 29 Mei aan haar eerste Comrades deelgeneem en dit suksesvol voltooi. Hierdie jaar was die 90 km wedloop vanaf Pietermaritzburg na Durban afgelê. Sy het as deel van die Nedbank WP span gehardloop. Ons is baie trots op hierdie Ouditklerk van ons.
Die manlike personeel het hierdie seisoen deelgeneem aan die TAG-rugby liga. 19 Mei was die laaste van die liga wedstryde en die span het in die 3de plek geeïndig. Glad nie sleg vir ‘n eerste seisoen nie. Veels geluk manne.