Enige versoeke vir deregistrasie as ‘n aangewese werkgewer moes tot dusver teen 31 Augustus elke jaar per e-pos by die Departement van Indiensneming en Arbeid ingedien word. Weens die wetwysigings van toepassing vanaf hierdie jaar gaan die deregistrasie teen 31 Augustus nie nodig wees nie.
Vanaf 1 September 2025 is die aanlyn platform oop en beskikbaar om indienings te doen. Wanneer ‘n werkgewer vanaf 1 September 2025 by die aanlyn platform inteken gaan die volgende vrae gevra word:
- Is die aantal werknemers minder as 50?
- Is daar enige CCMA sake in die laaste 12 maande?
Sodra die werkgewer bevestig dat die werknemers minder as 50 is sal die stelsel die werkgewer as ‘n “non designated employer” merk.
Tot dusver kon ‘n werkgewer wat nie aangewese is nie kies om steeds Diensbillikheidsverslae in te dien, maar weens die wetwysigings is dit nie meer ‘n opsie nie. Gevolglik sal hierdie werkgewer nie meer verslae hoef in te dien nie.
Die Departement van Indiensneming en Arbeid behoort soos destyds ‘n tipe “Reminder letter” per e-pos uit te stuur. Gebruik die skakel op die skrywe om vanaf 1 September 2025 die profiel te aktiveer om die vrae te beantwoord.
Die Departement van Indiensneming en Arbeid behoort dan ook weer ‘n e-pos te stuur wat bevestig sou ‘n werkgewer gederegistreer wees. Soos vorige jare met ‘n deregisrasie aansoek is daar geen ander skrywes, bewyse of vorms nodig wat vooraf berei en per e-pos deurgestuur moet word nie.
Indien daar enige navrae is, kontak gerus vir Anél Crous by anelv@fhbc.co.za
Vrywaring: Die inhoud van hierdie artikel is nie in alle opsigte omvattend nie. Dit bly elke werkgewer se verantwoordelikheid om homself aangaande enige wetswysigings en voldoening soos per die Staatskoerant Vol. 718. 15 April 2025. No. 52515. te vergewis.
Source Reference:
Staatskoerant Vol. 718. 15 April 2025. No. 52515.