Woensdag 2 September was Sekretaressedag, en ons het ons administratiewe personeel met vrolike sonneblomme en persoonlike geskenkbewyse bederf. Hoewel HR Professionals Day op Saterdag 26 September geval het, het ons dit op Maandag 28 September gevier.
Ons het Loslitdag op Vrydag 4 September met groot geesdrif gevier. Personeel het in spanne aangetrek en vanjaar se tema, “Beat as One – Rhythm Matters”, was op ‘n kreatiewe en kleurryke manier uitgebeeld.
Lize Potgieter en Christelle Hugo was vroeër in September verwelkom terwyl Riané Engelbrecht as Junior Boekhouer op Maandag 14 September by FHBC Consultants (Namibia) (Pty) Ltd aangesluit het. Nadima Krein se SAIPA klerkskap is suksesvol voltooi en sy is vanaf 21 September as Junior Rekenmeester aangestel. Ons het ook aan die einde van September afskeid geneem van Lizé Fouché (Boekhouer), en Dylan Joseph (Junior Boekhouer). Ons beste wense vergesel beide van hulle.
Danielle van Zyl sluit 1 Oktober by FHBC Payroll Services (Pty) Ltd aan as Salarisse en Lone Administrateur. Ons sien uit daarna om haar te verwelkom.
Ter ondersteuning van Borskankerbewustheidsmaand word personeel aangemoedig om op Maandag 5 Oktober pienk aan te trek. ’n Groepfoto sal geneem en in die volgende nuusbrief gedeel word.
Ons kantore sal op 13 Oktober gesluit wees vir Maatskappydag en KI-opleiding, ’n opwindende geleentheid waartydens personeel saam kan leer, ontwikkel en nuwe kennis opdoen.
Op 16 Oktober vier ons Basedag en bederf ons ons direkteure as ’n blyk van waardering.
Ons personeel kan uitsien na ’n insiggewende gesprek saam met Momentum Health4Me op 22 Oktober.